Let it rain!

這個六月不停的下大雨, 好耐都無見過太陽伯伯啦, 我真係好miss再見番佢. 每日都要帶住把姐, 又要帶多對鞋返工, 攪到自己好似一個走梗難既傻婆咁!

話說有一日, 中午突然見到sunshine, 於是乎興高采烈走出街買lunch 順便散下步, 一直都陽光普照, 但正當本格格過馬路之際 (于馬路中間的安全島上), 突然下起滂沱大雨 (真的非常之突然!), 自己幸好帶備一把遮才避過變濕水zi (zi 是雞的普通話發音). 而此際才發現原來我週邊的路人都無帶遮, 那時自已覺得有些不知所措, 應不應主動share 自己把姐給身邊的人呢? 但係又唔知幫得那個...就在這個idea閃過之際, 我身後有一位二十來歲的女仔跳向我身旁問"可唔可以遮埋我呀?", 我即刻笑住同佢講"無問題", 就是這樣她便跟我一起好合拍地走過馬路...過完馬路, 我問 "你往那邊走?", 她說"唔該晒, 我ok 架啦!" 原來她的男朋友就在馬路另一面等著她...

這一件小小的鎖事, 令我有說不出的舒暢...具体的是什么我也說不出來. 或者反映了自己想幫人的欲望得到了回應, 又或是連場大雨中一點點的sunshine和cheer up from God.

自己一個人

以前曾經有一個人跟我說"我想你自己一個人才自由快樂...", 那時我沒有什麼感覺, 那已經是四五年前的事. 其實在這五年裏面, 我想這句話都在某程度上是對的. 試想想, 一個人, 沒有伴, 沒有什么人要交代, 沒有需要花心思精神去討好別人, 自己可以隨心所欲, 自由自在地去做自己想做的事, 煩惱都少Ｄ, 很不錯呢!

若果你生命裏面多了一個人, 我想你怎樣也不可能再過自己一個人的生活吧( 若你是, 未免太自私了)! 若果你已經決定了選擇"一起"的自由快樂, 這种快樂當然是不同一個人的快樂啦! 那時候你會想將自己的不快和開心都跟他/她分享, 想他/她替你分憂也為你開心而開心, 什麼事也一起做, 自然地也會多了一些甜酸苦辣, 要付出的也自然多很多. 這看似易事, 其實一點也不易!!

無論你現在選擇一個人的快樂又或是兩個人分享的快樂, 我想最重要是你有沒有全心全意去認真對待. 如果要在兩者之間選擇一個, 我覺得很難, 一個人的快樂和兩個人的快樂是很不同呢! 以自己是一個很laid back很怕hurt的一個人, 我想一個人的自由快樂是比較好(不用怕被人hurt也不用付出太多心機)...oh sorry, 想想兩個人也不錯, 咪有人愛護你呢, 又有人鞭策你motivate 你.

不過世界每秒在變,我想一個人也是一樣吧!! 聽著王宛之的"一秒感動", 你可有感動?

本週 Wanchai 笑話一則

話說有一日當格格下班回家, 路經灣仔洛克道眾酒吧一帶. 一名北方佳麗(her nationanlity is very obvious!)向一名高大威猛的金髮外藉男子兜撘, 並用半鹹半淡英文說"I am Korean, Handsome.", 點知那位外藉男子大大聲用超級流利的普通話答"你是韓國人? 我知你是大陸人!", 此話一出, 北方佳麗當場語塞兼面有難色, 正當她知道兜撘失敗而急急轉身離去之際, Mr. Handsome 又大大聲兼笑笑口用普通話叫 (還大大動作的揮揮手, 場面似挽留北方佳麗) "喂! 那麼你是北韓人還是南韓人??".

thepersonals (crossover version)

Women wanting men, men wanting women, men wanting men, women wanting woemen, just friends??

係咪似曾相識? 這個題目已經再明顯不過啦! 相信你如果同我一樣咁"有時無聊", 你一定有睇過本土一份英文免費magazine, 你都會掀去睇入面"thepersonals"的classified, 都好entertaining 架! 尋日同我一位文化界好友傾計, 就由經典Ham Sup電影名講到登徵偶啟示. 我地不約而同都覺得篇擇偶啟示一定要精簡得來又要呼之欲出, 試住先:

英文version: It Might Be YOU.Intelligent, mature, down to earth and very good-looking Asian lady (30's/5 ft 7/53kg) seeks hot and well-built guy with sense of humour and a caring heart, mature & gentle, open-minded, able to share everything together or at least great moment, appearance is not VERY important, rich is a bonus...If you are serious, loyal and unattached, drop me a note.

中文version: 緣來是您!美貌与智慧並重單身材女 (年約30,身高5呎7吋, 53kg, 34-25-36)尋集"材、智、醒、爽、善" 成熟大方單身男子, 高大健碩及有經濟基礎者優先處理. 有意者請寄上相片一張以作參考.

問你點抵受得住?

By the way, 今次有幸与城中文化界熱爆"民人"首度攜手來個crossover, 真係好興奮呢! 睇你點抵(睇)?
尋"男(子漢)、高(IQ過我)、堅(強呀)、夾(得來)、(有內)涵"
from"痴(線或雌,好多時)、黑(臉,有時遮)、獨(立)、特(別,即係怪)、(易)激(動)"
(後解讀版)

最後,為答謝讀者多月來的支持, 現加插本土最後一位格格与民女之對話酬賓:
格格話:"問你點抵受得住?"
民女說:"唔諗唔知好過癮,原來真係好搞野!"
格格再話:"唔諗唔知自己頂得住, 原來可以再激D! I like your 激!

傻笑

最近我又pick up 番一件多年前常做的事, 就係自己一個人笑. 從前一聽軟硬天師既"老人院",就忍唔住笑, 尤真是打電話整鬼人, 打去KPS找鐵兜船長, Nike 找刀, 人人搬屋找那個舉起手指公既伯伯...想當年因為自己係住籠屋 (只擁有床位一個) 而又係住係上格的關係, 每當我夜媽媽听老人院時我都係我張上格床笑到抽晒根, 有時重忍唔住半夜三更爆笑,攪到我阿公以為我痴線. 如果你係我個年代, 你一定有共鳴啦!

直至最近我就會係返工架巴士上面傻笑, 咪聽"在晴朗的一天出發", 好多時都比阿海峰同君如笑死. 估唔咁咪又pick up 番自己一個人傻笑既事囉!